Əsərdəki hadisələr XXI əsrin əvvəllərində Böyük Britaniyanın Şeffild, Liverpul şəhərlərində, qismən isə İraqla Küveytdə cərəyan edir. Baş qəhrəmanlar - iraqlı qaçqın Əhməd Əbül-Fəttah və Brita-niya ordusunun keçmiş zabiti, Liverpulun Müqəddəs Luka kilsəsi-nin keşişi Brayan Şeldondur. Müharibəyə yox deyən Brayan Şeldon tövbə edərək, ömrünü Tanrıya və insanlığa xidmət edəcəyinə söz verir və ölümlə təhdid olunsa belə, büdrəmədiyini nümayiş etdirir. Xristian keşişi öz hərəkətləri ilə yanlış yolda olan bütün "İŞİD"-in və başqa terrorçu təşkilatların təsiri altında olan müsəlman fanatiklərinə sübut edir ki, gündəlik problemləri ilə yaşayan sivil cəmiyyətdə, mülki əhali arasında qətliam və partlayış törədənlər Cənnətə yox, cəhənnəmə düşəcəklər. Xristian keşişi terrorçuların təbliğatı nəticəsində kamikadzeyə çevrilən müsəlman oğlanı düzgün yola gətirərək, onu qatil olmaq-dan çəkindirir. Sonda onlar bir yerdə kilsədə terrorçularla döyü-şərək, oranın partladılmasına mane olur və asayiş keşikçiləri ilə birlikdə onların neytrallaşdırılmasına nail olurlar. Onların bu qəhrəmanlığı bütün ölkəyə yayılır və Əhməd Brayan ilə birlikdə fədakar vətəndaş kimi ölkədə tanınırlar.