<p>Mou Her Name forrits the reader mair nor a hunner pomes in whit the makar cries a neo-bhakti style&mdash;a modren skew on thae poems o deep holiness whilk are threipit an croonit in India yit. Aff the cuff an meestical thae ootpoorins heize frae ayont the makar&rsquo;s ain mense, he&rsquo;s tiggit the hem o the Yirth Mither&rsquo;s goun, an she&rsquo;s turnt tae&rsquo;m, an throuch his maisterly airt, turns tae us. Gabriel Rosenstock: Makar, haijin, scriever/owersetter o mair nor a hunner beuks maistly i the Irish leid. John McDonald: Scots makar, turnt tae scrievin haiku ten year since, hud a nummer o beuks pit oot sinsyne. Jynt up wi Gabriel Rosenstock fir a pickle owersettins ower the years. Hus a blog o scots haiku ZENSPEUG whilk he ettles tae update ilka day.</p>